بقلم /ريم الحكيم
الناس إللى بتفكر ازاي
تسعدك وتفرحك.
إللى مراقباك من بعد
وقبل ما تقع تسندك
هيه نفس الناس إللى متأكدة انها في حياتك اساسيه
اللي عارفه بصمة روحك كويس واللي مهما بعدت عنها مش بتلومك مهما مرت سنين
حبها ليك مطلق
مش مرهون بالاهتمام
الناس دي بتكون عارفه انها مهمة جداا
وغالبا لم يكن لها خطة لقاء
او وقت محدد في حياتك وغالبا سلوكها واضح مش عايزه منك حاجه
بل على العكس تحاول دائما تسعد روحك وتسندك وتقويك على الدنيا كلها
وعارفه ان هي بالنسبه لك الComfort zone والشخصيات دي نادره جدا في الدنيا بس لما تشوفها هتعرفها ودي ناس عندها مبدء سهل تتعامل معاها.
عموما مش هتلاقي صعوبه أثناء الود او الخلاف في علاقتك بيهم
وهتلاقي نفسك بعد عمر من البعد بتشوف الصوره واضحه وتسأل نفسك هو انت حبيت واخلصت للناس ديه قوي كده ليه …
ولما مش هتلاقي رد هتعرف انهم منحه من الله
وان كل الخير اللى في قلبك ليهم مش وقت ضيعته
ده هو ده الوقت إللى انت عشته بجد…
الناس ديه عاشت جنبك سنيين ومواقف تخليك تعرفهم اكتر من نفسك..
فهم مثل الاثار النفيثه
كلما مر عليها الزمن زادت قيمتها.
.زي ما بيكون من وسط الزملاء شخص واحد صديق.
.كذلك من الأبناء هناك من يدعى قطعه من القلب
واحيانا أحد الوالدين
نسيج من الروح..
الناس دي ماينفعش تتنازل عنها علشان اي مخلوق في الدنيا
فليست المسميات المتشابهه تحمل نفس المعنى بل هناك من يستحق امنيه اللقاء في الآخرة