/سهام عنيكى!/
بتقدًمى وتأخًرى وتكدًرى
ف قلبى الشغوف
ليه تسحبى الخطوه لورا
وتمرجحى ف حبال هوايا
ولمًا اقابلك تتقلى
وأدوب ف شوقى لحدً م
اغضب وابتعد
الاقيكى ترمى سهام عنيكى
تندهينى..حرام عليكى
عشان م انا قلبي رهيًف
مش لعبته الزيف واللوع
ولا طبعه كان يوم المداهنه
كل اللى يقدر يفهمه
حب التسامح , والورع
ح اشكى لضميرك من عنيكى
واشوفلى حيلة ف قصتك
وان كان على الليل
رايح اصاحبه
يمكن يشوفلى مع النجوم
سِكًه لهواكى
يمنكن ف يوم
ألاقينى في جنًة رضاكى!
الشاعر/أحمد عفيفي
دمياط / مصر