صينية عكاوى مع شوية رز ابيض بطريقة الشيف هالة فهمي
ماتيجوا نعمل صينية عكاوى مع شوية رز ابيض يتاكلوا اكل في العيد 
بصي ياستي اسلقي العكاوي عادي جدا ومعاها بصله وطمطمايه وحبهان وورق لورا ونص معلقه سكر صغيره علشان تستوي بسرعه وتفضل طريه وبعد ماتستوي طلعيها من الشوربه وسيبيها سيكه كده تتشمع في الهوا يعني تنشف وهاتي صينيه علشان هانعملها في صينيه النهارده علشان انتم حيرتوني اعملها في طاجن اتسأل طب تنفع في صينيه بصي ياستي بصي ياحجه بصي يانينه اعمليها في صينيه اعمليها في طاجن اعمليها في حله ان شالله حتي تعمليها في ازازه 
مفيش مشكله المهم الطعم
عمل #القشطوطه بطريقة #الشيف (عظيمة حمدي ) – للمزيد اتبع الرابط التالي – https://nesral3roba.com/?p=125490…
هاتي صينيه وحطيها علي النار وحطي معلقه سمنه وانزلي ب٤بصلات مقطعين صغير جدا ومقطع عليهم قرنين فلفل رومي وقرنين فلفل حامي من غير تقطيع علشان يدي طعمه وريحته من غير مايخليها حاميه فهمتي حاجه؟اكيد لأ علشان انا نفسي مش فاهمه 
المهم شوحي البصل مع الفلفل وبعدين انزلي بمعلقه صغيره توم مفروم وبعدين بالعكاوي وشوحيهم كويس وبعدين ابشري ٣طماطمات وانزلي بيهم وقلبي ومعلقه صلصه وكبشتين تلاته من شوربه العكاوي وظبطي ملحها وخليها تاخد غلوه علي عين البوتاجاز وبعدين علي الفرن علي طوووول لغايه لما تشكشك كده وريحتها تجيب اخر الدنيا ياوعدي ياوعدي انا جوعت اووووي
كيكة بسيطة ب ٤ مكونات حولناها لتورتة بطريقة الشيف ( هاله فهمي) – للمزيد اتبع الرابط التالي – https://nesral3roba.com/?p=126024…
وهانعمل جنبها شويه ارز ابيض بورق اللورا وفصين حبهان ومعلقه سمنه ومعلقه زيت علشان يلمع ويفلفل ويكيد العزال 
طلعي الصينيه بقي واغرفي الارز وبسم الله هم هم هم مين هايجي يتغدي معايا
غدانا النهارده لوووووز العنب
الفطيرالمشلتت السريع بطريقة الشيف هالة فهمي – للمزيد اتبع الرابط التالي – https://nesral3roba.com/?p=126304…
