صينية عكاوى مع طبق رز ابيض يتاكلوا اكل بطريقة الشيف هالة فهمي
ماتيجوا نعمل صينية عكاوى مع شوية رز ابيض يتاكلوا اكل 
الطريقة
اسلقي العكاوي عادي جدا
ومعاها بصله وطمطمايه وحبهان وورق لورا ونص معلقه سكر صغيره علشان تستوي بسرعه وتفضل طريه وبعد ماتستوي طلعيها من الشوربه.
توابل_الاندومي بطريقة الشيف هالة فهمي – للمزيد اتبع الرابط التالي – https://nesral3roba.com/?p=127920
وسيبيها سيكه كده تتشمع في الهوا يعني تنشف وهاتي صينيه علشان هانعملها في صينيه النهارده علشان انتم حيرتوني اعملها في طاجن اتسأل طب تنفع في صينيه بصي ياست اعمليها في صينيه اعمليها في طاجن اعمليها في حله ان شالله حتي تعمليها في ازازه 
مفيش مشكله المهم الطعم
هاتي صينيه وحطيها علي النار وحطي معلقه سمنه وانزلي ب٤بصلات مقطعين صغير جدا ومقطع عليهم قرنين فلفل رومي وقرنين فلفل حامي من غير تقطيع علشان يدي طعمه وريحته من غير مايخليها حاميه فهمتي حاجه؟
اكيد لأ علشان انا نفسي مش فاهمه 
المهم شوحي البصل مع الفلفل وبعدين انزلي بمعلقه صغيره توم مفروم وبعدين بالعكاوي وشوحيهم كويس وبعدين ابشري ٣ طماطمات وانزلي بيهم وقلبي ومعلقه صلصه وكبشتين تلاته من شوربه العكاوي وظبطي ملحها وخليها تاخد غلوه علي عين البوتاجاز وبعدين علي الفرن علي طوووول لغايه لما تشكشك كده وريحتها تجيب اخر الدنيا ياوعدي ياوعدي انا جوعت اووووي
وهانعمل جنبها شويه ارز ابيض بورق اللورا وفصين حبهان ومعلقه سمنه ومعلقه زيت علشان يلمع ويفلفل ويكيد العزال 
كحك_المحلات بطريقة الشيف هالة فهمي – للمزيد اتبع الرابط التالي – https://nesral3roba.com/?p=125920
طلعي الصينيه بقي واغرفي الأرز وبسم الله مين هايجي يتغدي معايا
