للشاعرة المبدعة في الشعر الشعبي/مريم السعيدي من تونس
متابعة عبدالله القطاري من تونس
ضاق خاطري وتحرق جاشي
ياريت والدي من زمان دفنّي
مانيش نادمة على أيّام فايته
طالبة العالي يخفّف اثقالة عنّي
ترفع صوتي بشفاعة تحرق كبدي
قلوب ماتت قاطعات اْرحامه
حنّيت وزدت حنانة تحرق صدري
حالي امبيّن ذليلةكليت صغاري
قالوا طيّبة ترجع علي امكاده
بين ناسي ديما هيّنة إنقاسي
صبرت صبر أيّوب قعدت براسي
سبقت على ربّي بحب وطاعه
يقول والدي بين اخواتك حنّي
انت حنينة ويكبر قدرك عندي
خلّي صورتك تتّرفع بشفاعة
لاتتذللّي بإذن الله بالجنّة تبشّري
لازم يقسى قلبي راقد حظّي
رزقي على ربّي من غير نزاعه
قال والدي لايغرّك كلام شيطاني
لا تخللي عقلك يهز فيك ويردّي
وخللّي صوتك يرتفع بشفاعة
رقاد القبر وقت يظلّم يحن العالي
وشوفي مولاك واش يسوّي
ضيقة الخاطر وعيشتي المرمادة
على قلوب ماتوا قاطعين أرحامي
وعلى ناس هزّتهم نفوسهم للضّلاله
مكسور خاطري ياناس ماتلومني
شايلة غضب حتّى اللّوطا ماتشيله
مريم السعيدي
تونس الخضراء