بقلم الشاعرة / هدى مشاق
متابعة / سامح الخطيب
قولي مالك ..؟
من عينيكي ..حاسة شئ فيكِ اتقسم
هوٌ باعك ولاٌ هانك ولاٌ خان
طب وليه
راسمة ضحكة بهلوان فوق جدار منقوش ألم
ماتداريش عن حالي حالك
بجد مالك
بس ماتقوليش مفيش
ماتخافيش ..مش هلومك باختيارك
مش هزودلك مرارك بالعتاب
العذاب اللي أنتِ فيه أصبح كعادة
شايلة فوق طاقتك زيادة ع اللزوم
والهموم صبحت جبال
فوق جبينك 1000جط لصبر دايب
شعرك الليل الطويل بقى لونه شايب
حتى وردك ع الخدود دبلان وشاحب
موج سنينك هد قصر من الرمال
عودك المصلوب ليه مال؟!
طمنيني ..
بس اوعي تقنعيني قلبك المكسور سليم
وشمس عمرك لسة دافية
وانتي عايشة جوٌا غيم
والجحيم شيفاه عيونك
حاسة بيكِي
..شايفة بحر دموع عينيكي غارقة فيه
قولي سرك
فكي أسرك
هوٌ كسٌٓرك ..طب وليه
عايشة راضية بجلد ذاتك
طب حياتك راضية بيها
صدقيني ..الحياة انتي أساسها
كنتي نعمة وهو داسها
روحك الصافية أمانة بين ايديكي
ارحميها
هو عمره ماحس بيكي
عمرك الغالي بيجري .. ولا انتي دارية
كنتي حرة ..صبحتي جارية
الحياة بنعيشها مرة
حافظي ع اللي باقي منك
صوتي نفسك ..حرريها
#هدي_مشاق