طرق مختلفة للكبد والقوانص هتخليهم طعهم في حتة تانية خاااالص
#كبد_وقوانص_بالدقة
كبد – قوانص – توم – فلفل رومي احمر واخضر – فلفل حامي احمر – بصل جوليان -ملح – فلفل -كزبرة – قرفة -بابريكا نصف كوب ماء
انزلي بالكبدة تاخد تشويحة وبعدين شيليها وحطي مكانها القوانص وشوية مايه تستوي فيهم
بعد كده شوحى بقى معاها البصل والفلفل و الثوم والتوابل ورجعي الكبده تانى
في الكبة افرمي الفلفل الرومى الاحمر مع الحامي والتوم و وشوحيهم علي النار مع شوية زيت مع حتة لية
انزلي بالدقة دى علي الكبد والقوانص وشمي احلى ريحة
#كبد_الفراخ_بانية
كبده – فلفل اسود حصى – كوب لبن – حبهان وورق لورا – دقيق – بقسماط مطحون – لبن – بيض -ثوم مفروم – عصير ليمون -ملح – كمون – كزبرة
زيت للقلي
اسلقي الكبده في مايه فيها فلفل اسود حصى مع كوباية لبن و ورق لورا وحبهان مع معلقة خل و سبيها تستوي
طلعيها صفيها تهدي
تبليها بالتوم والكمون والكزبرة وعصير الليمون والملح و بعدين في طبقة دقيق و بعدين بيض ولبن وبعدين بقسماط وحمريها
