بقلم د. عزة محمود علي
قلبي الجريح
ساكت وبطل شكوته
ساب الجروح تنزف
تطهر دنيته
من عشق كان
زي الضباب
بين السحاب
غمى عيونه وخطوته
قلبي الجريح
عصفور وطالع للقمر
بجراحه شايل رقته
وذكرياته واللي فضل
من فرحته
عاوز يطل ومن هناك
يلمح ملامح سببت
يوم دمعته
لكن برغم كل شئ
جوه الجراح دقة حنين
بتسكته
ولسه يتمنى اللقا
يمكن يا ناس
بعد الشقا
يلقى الحنان من
قلب دق بفرحته
يا ريت يا عصفوري الجريح
ترجع علي ضي القمر
تلقى حبيبك يوم
رجع من غربته