بقلم الشاعر / طارق جلال
متابعة / سامح الخطيب
قلم وورقة وعمامه
على التربيذه و بطاقتين
كمان قلبين ومتخاصمين
كان قلب واحد صبح قلبين
كانوا حبايب بردوا قرايب
جابوا م الأولاد اثنين
ولد وبنت كتير حلوين
وأب وأم خسارة مختلفين
على مصروف البيت او التموين
ليل طويل خد وهات
قلة قيمة سب ولعنات
وحدف فظات وكبيات
والعيال بتبكى وبتنزل الدمعات
مين البادي مين الغلطان
مش عارفين
فين العقل بلاش جنان
شيطان هيمان شامت فرحان
ومحدش قادر يهدي النيران
في يوم وليله
راح العطف والحنان
بعد ماكانوا في أمان
سمعوا صوتهم لجيران
وناس بتولع النيران
حرام بلاش إجرام
ولع الكلام
شغل أفلام
بلاش خصام
بلاش الطلاق بلاش الفراق
ياعم يامدام فين الاحترام
اسمعوا بعض وبكره النار حتنام
وحتبقوا مع بعض تمام
اتصالحوا بقى علشان
العيال تنام
واحنا كمان ننام
رجعوا الحب والوئام
واطردوا الشيطان
الى منتظر يهد عليكم الحيطان
ويشمت فيكم الجيران
ويعميكم على كلام القرآن
وتعاملوا بينكم بالاحسان
كلمات الشاعر/طارق جلال الحسينى