كريم الطبع بالفطرة ولك جوه القلوب فكرة
بقلم د. عزة محمود علي حسن..
مفتتح القصيدة
كريم الطبع بالفطرة ولك جوه القلوب فكرة
عيون الحق شافت نور بيحيي في الوجود ذكرى
وكل الدنيا تشهد لك ما شافت في الوجود قبلك نعيش بالفرحة ونقابلك
يا شهر البركة والنصرة
قصيدة رمضان والبشرى
رمضان دايما جاي بالبشرى
نصر ف غزوة بدر الكبرى
ومحمد على أبواب مكة
وقلوب الناس لله شاكرة
رمضان ف القادسية كريم جاب نصرنا
مع أهل تميم وابن زياد يفتح أسبانيا أندلسية
خلاص من بكره دي معارك منسوبة لمين؟
لبطل عربي وسيفه متين يوسف في الأندلس الغالية ينشئ دولة….
يا مرابطين رمضان وبسيفه البتار
يهزم عرش مغول وتتار قطز وبيبرس
حققوا حلمك خلوا عروش العدو تنهار
تسلم لنا يا صلاح الدين
يا بطل معاركنا ف حطين
لما رجع لنا بيت المقدس وأمان
على أرض فلسطين
رمضان مشهور بانتصاراته
باعشق أيامه وحكاياته
من أول ساعة ف أوقاته
تتجلى في الروح نسماته رمضان
جاب نصرة أكتوبر وهزيمة أعداء……
وتحدي جيشنا المصري
هو السوبر بيقول نصرك
كان على يدي وعبورنا كان لحظة عظيمة
شال من روحنا مآسي قديمة
عرف العالم كله جنودنا هزموا العدو
بأشر هزيمة رمضان شهر بكل العمر علم كل الناس الصبر ببحقق للكون أحلامه لما بتوصل ليلة القدر صلوا على اللي هيشفع لينا نوره بيغلب نور البدر ألف صلاة وسلام يا محمد ياللي بنورك هَل النصر ألف صلاة وسلام يا محمد ياللي بنورك هَل النصر