كتبت / سمر فرج محمد المصري..
اليوم سوف نتحدث عن ازى تتعاملي مع طفلك لو كسر حاجة ما هو التصرف الصحيح الذي يجب أن تفعلي
ايه اول رد فعل هتعمله لو ابنك جه قال لك انه كسر حاجه مهمه او انه ثقب حاجه او بوظها … ؟
هتضربه هتزعقله هتعاقبه … هتعاقبه ازاي و امتي ؟
ولا هتعملهم كلهم ؟ !
في مبدأ من مبادئ العلاج النفسي اسمه التحالف العلاجي
المبدأ دا بيقول :
ان المعالج النفسي لازم يكون مع المريض و بيسمعه للاخر من غير ما يهاجمه في الكلام حتي لو عارف ان دا غلط حتي لو ضد المبادئ و الاخلاق حتي لو ان دا هيضر المريض لدرجه انه ممكن يعرض حياته للخطر .
ما الوقت الذي اقول له فيه ان دا صح ولا غلط ؟ هيقوله طبعا ما هو مش هيسكت يعني بس بيكون ليها طريقه معينه الطريقه دى بعد ما يسمعه كويس و بكل بساطه و “بثبات انفعالي ” هيبدأ يقنعه بطرق معينة يفهمها من واقع حياته …
ما أهمية ذلك الكلام
الكلام دا كله بينطبق علي طفلك لما يجي يحكيلك حاجه عملها كسر حاجه مهمه
جاب درجه وحشه في المدرسه
انه مثلا في موقف معين كذب
اي حاجه ممكن تقابلنا شبه كدا
اكبر غلط لما تستقبل دا بزعيق و صريخ او بضرب او بعقاب في وقتها
في الوقت دا الطفل بيبقي اصلا خايف لما يلاقي منك احتواء للموقف و تبدأوا تتكلموا في السبب و يبدا يعترف ان دا غلط هو بنفسه هيتجنب انه يغلط تاني ….
بثبات انفعالي من غير غضب عشان ما يقلدكش لما يضايق يعمل زيك لانك قدوته حتي في زعلك و عصبيتك …
ببساطه تتفقوا ان دا مايحصلش تاني ولو حصل تاني بيكون في عقاب والعقاب دا ليه مبادئ و قوانين و فعلا لو حصل الموقف دا تاني لازم يتنفذ العقاب اللي اتفقتوا عليه عقاب يكون مقنن بسيط بس يضايق الطفل عشان يحس ان في حاجه بيحبها مش هياخدها او مش هيعملها دلوقتي عشان هو عمل غلط ….
لو طبقنا الكلام دا في تعاملنا مع الاطفال مش حنلاقي اننا صوتنا عالي طول الوقت و الناس تسمع بصوتك المرتفع علي طول
لما يكون في مجال للكلام و النقاش و الحوار بينا و بين اطفالنا من عمر صغير بيريحنا لما يكبروا احنا خلاص اسسنا الطريقه اللي هنتعامل بيها معاهم
ما فيش حاجه اسمها دا صغير دلوقتي بيكونوا فاهمين ومستوعبين كويس وطبعا هنستخدم طريقه مبسطه جدا عشان توصلهم بس بيكونوا ديما فاهمين
