لبنى ونس بعد إصابة يوسف عمرفي إعلان محمد رمضان: «ربنا هايجبله حقه»
شنت الفنانة لبنى ونس، والدة الفنان الشاب يوسف عمر هجوما على محمد رمضان، بعدما تعرض نجلها أول أمس لحروق شديدة في جسده بعد انفجار قنبلة.
ونشرت لبنى ونس عبر حسابها الشخصي «فيس بوك»، «إذا عملنا كل حاجة طبيعية وحقيقية كنا هَلَكنا، ولاتُلقوا بأيديكم إلى التهلُكه. يعنى إذا فى مشهد يا أستاذ محمد التمساح بياكلك نترحم عليك ويبقى آخر مشهد فى حياتك، فى مهنتنا يا أستاذ محمد رمضان وأنت وأنا وكلنا عارفين إن ما يسمى بالنجم استغفر الله العظيم بيتعاملوا معاه فى اللوكيشن كأنه إله هو المِحور والكل يدور حوله، هل ممكن تتعرض لما حدث لابني فى التصوير معاك، مستحيل طبعا بتعمل أكشن وبتبقى عارف قبلها كل تفاصيله مرة واتنين وعشرة واللى عاجبك بتوافق عليه واللى مش عاجبك بتغيره».
وتابعت: «يعنى القنبلة اللى زرعها عصام الوريث لابني تحت منه ومن غير ما يقوله ولا حتى يلبسوا واقي يقدر يعمل معاك كدة ليه؟!!!!أنت بني آدم وابني مش بني آدم أنت أغلى الناس عند والدتك ويوسف نن عيني ومافيش أغلى من الضنا حط ابنك مكان يوسف هاتقول برضه كله فى حبكم يهون ».
وأكدت، «أرجع واقولك ابني ربنا هايجبله حقه من اللى اسمه عصام الوريث دة اللى ميعرفش أبجديات عمله اللى بيستبيح حياه الشباب عشان يحقق الطبيعية المزعومة الغلط اللى حضرتك بتتكلم عنها حق بني إن شاءالله هايرجعله مش هاسيبه عشان يبطل سي الوريث دة أنه يستهين بحياه الناس، سؤال بقى لما نموت سيادة النجم هايندفن فين ؟؟؟؟؟ الديان والعدل والحق موجود وأعتمدنا عليك يارب».
وقالت: الفنانة لبنى ونس، والدة الفنان الشاب يوسف عمر هجوما على محمد رمضان“حط نفسك مكان ابني، لو كانت القنبلة فرقعت تحت منك، وأنت راجل وعارف ايه اللي كان ممكن يحصلك، كنت وقتها هتقول كله في سبيل الفن يهون!، بالعكس كنت هتقلب الدنيا وقتها”.
وكان محمد رمضان نشر فيديو أمس عبر حسابه الشخصي بموقع الصور والفيديوهات القصيرة “انستجرام”، معلنا إصابته بحروق في جسده، خلال التصوير، مشيرا إلى أن كل ذلك يهون في سبيل الفن.
,وقالت الفنانة لبنى ونس، والدة الفنان الشاب يوسف عمر هجوما على محمد رمضان، إن نجلها حاليا يحظى بصحة جيدة، حيث خرج من مستشفى القوات المسلحة بالمعادي، بعدما تلقى العلاج اللازم، ويوجد حاليا في المنزل.
وهاجمت لبنى ونس والدة الفنان الشاب يوسف عمر هجوما على محمد رمضان عصام الوريث، مصمم المعارك المسئول عن انفجار القنبلة ومشاهد الأكشن في الإعلان، وقالت لبنى ونس: “ابني دمروه وربنا أنقذه، وابني حصله حروق وخدوش نتيجة الانفجار بجانب إصابات في المنطقة السفلية من جسده”.
تفاصيل انفجار قنبلة في اعلان محمد رمضان
وكانت آية شعيب، أخت يوسف عمر روت تفاصيل المشكلة وانفجار القنبلة خلال التصوير، وكتبت عبر حسابها على “فيس بوك” إنها شقيقة يوسف عمر، أحد المشاركين في الإعلان، والذي أصيب بحروق من الدرجة الأولى خلال مشاركته في التصوير.
وأوضحت في منشور أرفقته ببعض الصور: “أخويا يوسف عمر ربنا نجاه من الموت امبارح.. في تصوير إعلان لمحمد رمضان انفجرت فيه قنبلة حقيقية .. وخبير المفرقعات اللي بيشتغل مع رمضان اسمه عصام الوريث.. اللى المفروض جزء من وظيفته الحفاظ على حياة الناس اللى بيشتغل معاهم.. قاله دي قنبلة صوت ومطلعتش كدة.. ومفكرش حتى يلبسه حاجة تحميه أو ينبهه أو يعدل مكان وقفته”.
وتابعت: “من غير سابق انذار ومن غير اي احتياطات تحافظ على جسمه وعلى حياته هو و اللي حواليه انفجرت القنبلة تحت رجله ..والنتيجة حروق من الدرجة الأولى في رجله كلها ..والتهاب في جدار الخصيتين ..وعمره كان هيضيع والخصيتين كانوا هينفجروا لولا ستر ربنا .. وأنه وطى ورجع لورا على آخر لحظة .. وأستاذ عصام كان شايف إن يوسف مأفور وأن فيه أيه يعني اللي حصل ده أنت مثلت مع رمضان ده أنت دخلت التاريخ”.