المقادير
بيضه
٤ معالق كبيره سكر
معلقه ونص صغيره خميره
فانيليا
نص كوباية لبن دافي
نص كوباية كريمه
تلت كوباية زبده سايحه دافيه
ه كوبايات دقيق
نص معلقه صغيره بيكنج بودر
رشة ملح
ربع كوباية مايه او اكتر لو احتجناها
هنقلب السوايل والبيضه والفانيليا والسكر والخميره كله مع بعض ونضيف الدقيق والملح والبيكنج بودر ونعجن من ١٠ ل ١٥ دقيقه لحد
ما تكون عجينه ناعمه بتلزق بسيط
وزي ما بقول دايما كمية السوايل بتختلف ع حسب نوع الدقيق يعني ممكن نحتاج نزود مايه وممكن نحتاج نقلل السوايل هنبدأ باللبن والكريمه وبعدين لو احتاجت نزود مايه شويه شويه
بعد العجن هنكورها ونغطيها ونسيبها تخمر لمدة ساعه
بعد ما خمرت هنفضي الهوا منها ونقطعها ل ١٢ قطعه
هنكورها كور متوسطه او صغيره ع حسب الحجم اللي عاوزينه ونغطيها ونسيبها ترتاح ١٠ دقايق
هنبدا بأول واحده هنفردها ع شكل اسطواني ونحط الحشو ف طرف ونقفل الطرف التانى عليها ونقفل الطرفين كويس جدا ونرصها ف صينيه ونسيبها تخمر تاني لمدة ٣٠ دقيقه
هندخلها فرن سخن ع حراره ٢٠٠ ف الرف الوسطاني
بتاخد تقريبا ٢٠ دقيقه وبعدين نشغل الشوايه
هنطلعها نغطيها دقايق وكدا تبقي جاهزه
حشو الكاسترد 🥯
٢ كوباية لبن
نص كوباية سكر او اكتر
٣ صفار بيض
٢ معلقه كبيره نشا
فانيلا
هنغلي اللبن ونضرب صفار البيض مع الفانيلا والنشا لغاية ما ينعموا تماما هنضيف السكر ع اللبن المغلي ونقلبه كويس ونضيف اللبن لخليط صفار البيض والنشا شويه بشويه ونقلب باستمرار ونصفيه ونرجعه للنار تاني ونقلب بردو باستمرار اول ما يغلي ويتقل نشيله من ع النار هنحطه ف طبق ونغطيه ونسيبه يبرد وبالف هنا