المكونات للعجينة :
3 كيسان و نصف فارينة
مغرفة كبيرة سكر
مغرفة صغيرة ملح
1 خميرة خبز
شوية خميرة قاطو
ربع كاس زيت زيتونة
ماء دافئ
للحشو :
300 غ مفروم دجاج ( أو لحم )
مغرفة هريسة عربي
بصلة صغيرة
2 سنات ثوم
2مغارف زيت
جبن مرحي
جبن شرائح
شوية ملح
رشة فلفل أكحل
شوية كركم
الطريقة :
تحط السكر و الخميرة في كاس صغير ماء دافئ و تخليهم يخمرو 5 دق و بعد تصبهم في صحفة كبيرة و تزيدهم الفارينة و خميرة القاطو و الملح و الزيت و تعجن بالماء الدافئ و تخليها تخمر ساعة و تحضر الحشو تقص البصل جويد و تقليه مع الدجاج و الهريسة و تفوح بالملح و الفلفل أكحل و الكركم و شوية ماء حتى يطيب… تقسم العجينة على 2 كعبورات و تحل الكعبورة الاولى و تفرشها في طبق الفرن و تحط الحشو و الجبونات وتحل العجينة الي مازالت و تغطي بيها الحشو و تسكر من الأجناب وتدهن بأصفر العظمة و ترش السينوج و الجلجلان و تطيبها في الفور لمدة 25 دق في 180 درجة