من مطبخ سمر وطريقة جديدة لعمل الحلويات

FB IMG 1596654283826


بقلم / سمر فرج محمد المصري

من منا لا يحب الحلويات النهاردة هنتكلم عن نوع حلويات مفضل لدى الكبار والصغار وبمكونات بسيطة
هو الدوناتس

مقلي مش فرن

:

اولا كدا الدوناتس ليه تكات وليه حاجتين تعرفي بيهم الدوناتس بتاعك ناجح ولا فاشل
اول حاجه الخط الابيض اللي شايفينه دا
تاني حاجه انه يكون الحجم دا ويكون خفيف جدا وانتي حطاه علي ايدك

ندخل بقا في المقادير المقدار الواحد هيعملك ١٥ واحده عايزه تزودي ضعف المقدار تمام بس بلاش اقل من المقدار دا هيبوظ منك وماتقوليش ليه

المقادير نستخدم كوبايه واحده
٤ كوبايه ونص دقيق [٢ منهم دقيق كيك ] ودي تكايه انا اتعلمتها لوحدي من كتر التجارب
١ معلقه كبيره خميره
٦ معالق كبيره سكر
٢ بيضه كبيره
كوبايه لبن
رشه ملح
٣ معالق كبيره زبده بدرجه حراره الغرفه

الطريقه بقا نركز
هنجيب بوله نحط فيها الدقيق ورشه الملح وبعدين نعمل فتحه ف الدقيق نحط كوبايه اللبن عليها السكر عليها الخميره وندوبهم وبعدين نحط عليهم البيض
وندوبهم وبعدها نعجن ولما تلم كدا العجينه نحط الزبده ونعجن بيها كويس اوي لحد مالعجينه تبقي مالسه جدا اهم نقطه العجن

طبعا لو عندنا عجان هنحط كل دا ونعجن ماعدا الزبده بردوا نحطها في الاخر

بعدها هنسيبها تتخمر كويس ساعه الا ربع او نص ع حسب الجو المهم تتخمر كوووويس اوي لازم تطلع برا البوله

بعدها هناخدها من غير منطلع الهوا منها براحه خالص علي سطح فيه دقيق كويس جدا بحيث لما نفردها ماتلزقش علي السطح

هنفردها ودي تالت تكايه نفردها بالراحه اوي ونخلي قطرها كبير شويه منعاملهاشً معامله البسكويت
لازم تكون قطرها عقله ونص ويكون الهوا لسا فيها

بعدها نقطعها بقطاعه الدوناتس او زي ماتحبوا بقا
وننقلها علي ستاند فيه دقيق او صينيه ونسيبها تخمر ربع ساعه او لما حجمها يتضاعف بس علشان احنا ف حر اوي كفايا ١٠ دقايق
نكون مولعين النار قبل مايسخن اوي نحط بقا ونوطي النار ع ال نص

دقيقه من كل جمب اهم حاجه يكون لونها حلو اصفر مايتحرقش

وبس نشيلها نحطها علي ورق زبده او مناديل مطبخ
نسيبهم يبردوا ونبتدي نحط عليهم التوبينح زي ماتحبوا
لوتس او شوكليت او كراميل