بقلم /سمر فرج محمد المصري
بكاء الاطفال يسبب ازعاج للام ومن هم حول الأم ولكن السؤال كيفية التعامل معه بشكل صحيح وهذا ما سوف نجواب عليه اليوم
“اسكت يا حبيبي متعيطش” الجملة دي ممكن تستخدمها مع ابنك بطريقتين، يا إما بهدوء علشان صعبان عليك أو بزعيق علشان مش طايق صوت عياطه خلاص..
عدم التعامل السليم مع عياط الطفل هو اللي بيقلب بعد كده لزن وسوء سلوك !!!
لما ولادنا يعيطوا بنبقى واقعين ما بين كذا شعور ….
الشعور بالأسى عليهم وانهم صعبانين علينا، شعور بالانزعاج وعدم الراحة واحيانا بالغضب، واحيانا الشعور بالذنب الرهيب تجاههم علشان احنا مسؤولين عن سلامتهم وإحساسهم الداخلي بالراحة..
عند الأطفال، العياط مهم جدا علشان هو مولود بالجزء المسؤول عن المشاعر في المخ كامل النضج لكن المنطق عنده لسه مكتملش، فبيعيط في أي وقت وقدام أي حد
فالعياط هنا هو عملية شافية(a healing process) وطريقه الطفل للحصول علي الراحه ولغته للتعامل مع المشاعر المتوتره او الضغط الداخلي.
ال Healing process لما بتكمل، ده بيساعد المخ انه يكون new neural pathways يعني مسارات عصبية جديدة وكتيرة، يعني الطفل بيبقى اكثر قدرة على التفكير والتعاون والحكم السليم على الامور..
تعامل حسن مع طفل يبكي:
لا تنفعل بانفعاله
اقعد جنبه لغايه ما يخلص عياط
لا تتاقش وقت العياط
ملاطفته وهو هادئ
ساعد الطفل يعبرعن مشاعره بكلمات
مهم ان الطفل يكمل العياط لآخره.. علشان لو قطعت عياطه كل مرة، المشاعر مبتخرجش وبتفضل جوه وبقى طفل زنان وبيغضب كتير وممكن يضرب اخواته وبيشاغب في الفصل وبيعند طول الوقت.. كل ده بيحصل علشان مشاعر الغضب اللي جواه واللي معرفش ولا مرة يطلعها لآخرها صح..