بقلم الشاعرة / نور الهدى على
متابعة / سامح الخطيب
ناداني وقال وحشتيني
وقلبي رافض إنه يحن
وعمري بيجري ويصارع
وحالف ميت يمين ويمين
بإنه يودّع الغربة ونفسه يعيش
ويمشي ف سكة مجهولة
وبسهولة يبيع اللي اشتراه…
برخيص.
كأن اليوم دا وامبارح وبكرة كمان
ساعات بتمر فوق جسر….
الحياة والروح
تعلّم فيها قسوتها بلا إستئذان
وناوية تزيد كمان وكمان
بترمي ف سكتي إنسان
يبان إنه شريف لكن…
حرام إنه يكون إنسان
ماتستغربش من حزني
ولاتبكي على دموعي
أوان الحب ودّعني وعدّى العمر
لافيه ذكرى لحلم جميل
ولا مشهد مابينّا يسر
وداعي ليك مالوش لازمة
لأني عمري مانسيتك
ولا أقدر أعيش يوم بيك
حياتي رواية تتدرس
بدون مونتاج
وأحلى بداية ح اكتبها
أكيد مش ليك
ما راح العمر ع الفاضي
وماتت فرحتي بإيديك