بقلم الشاعرة / الشيماء عفيفى
متابعة / سامح الخطيب
ليه شايفه عيونك حزنانين ..
من غير مااشوفك ..
حاسس قلبى برعشتك ..
من غير ماأيدى تلمس كفوفك ..
محتاج لروحى متأكده ..
أكتر ماعينى محتجالك ..
محتاج أضمك من بعيد ..
محتاج لقلبى يريحك ..
يشيل الحزن فى يوم بدالك ..
محبوسين جوه السنين ..
وفى السكوت بيكون كلامنا ..
لابندهك ولا بتنادينى ..
بس البحر شايل ملامنا ..
بغمض عينى من سكات بشوف ملامحك ..
بنده بصوتى فى البعاد ..
يرد جرحك ..
ماانا اصلى عمرى ماصدقك لوقولت ناسى ..
تنسى السنين تنسى الوجع عمرك ماكنت فى عينى قاسى .. متغربين ..
وفى ملامح السكوت بيترسم قلبى وقلبك ..
موجوعين ..
بس الحنين قدر يوصل يوم لحضنى قبل حضنك ..
مشتاقه انا قربنى ليك ..
أصمد فى خوفك وأنا بين أديك ..
أنا مش بعيد .. حسس بروحك هتلاقينى ..