…………. هجرتك ………….
هجرتك وكلى جراح
… وبعدت عشان أرتاح
سقتنى الظلم كاسات
… ومن الغدر أقداح
وبدلت نعيم حبى
… ألام وبكاء ونواح
سبتلى الضنا والسهد
… بعد ماخدت الهنا والأفراح
فين الوفاء بالعهد
… فين الطيبه والسماح
هجرتك ورحت بعيد
… وهربت من زكرياتى
يمكن أعيش سعيد
… وأنسى المر وعذابى
والقلب من العذاب يرتاح
…والأيام تداوى جراحى
رحت دنيا غير دنيتى
… وعشرت ناس غير ناسى
عشان أنسى محبتى
… وأشرب كاس غير كاسى
وألاقى القلب الأبيض
… المليان بالحنان الصافى
ولقيتو جه خبط على بابى
… يامهاجر حبيبك افتح لقلبى
أنا جتلك بقلب شارى
… ياترى حتشترينى ولا تبعنى
حنسيك ظلم الحبيب الأولانى
… وأسقيك من كاس حبى
وإن كان هواه غدر بيك
… حشيلك أنا جوه جفنى
مش حسمح لك ابدا ياحبى
… تبعد عنى وتهجر تانى
وبسكين حقطع شريانى
… وبدمى حكتب لك عهدى
قلت له ابعد هواك عنى ياشارى
… غير حبيب القلب محبش تانى
………..
….. بقلم .. حمدى شاهين ..