يا سكة مشيتها وحديه

FB IMG 1608188132789


بقلم مصطفى سبتة
يا سكة أنآ مشيتها وحديه
وكل خطاويها ياقلبى منسيه
لا قادرة ياروحى أكمل المشوار
ولا حد يوم ياقلبي حس بيه
لقيت ولقيت داري مهجورة
ولا حد ياخد بإيديه
أصرخ يرد الصدى عليه
وكأني بصحراء وحديه
شربت المر ياروحي بكاساتي
وخلاص يا ناس وفاض بيه
قريت فنجاني ولاقيتني
نصيبي حرمان وقسيه
أروي بالحنان غاليين
وانا تملى بالأحزان مرويه
زرعت الورد والياسمين
طرحت أشواك تجرح فيه
حنيت ايديا بدم غزال
طبعت بكل الناس الا ايديا
صرخت صرخة بصوتى العالي
ماحد رد ولا خفف اللى فيه
ياقطر يامسافر بعيد
طريقك ما له معديه
غزلت أنا توب الفرح
لكن يا حسرة ضايق عليه
يا بياعين الصبر شوفولي
دوا للصبر ينسيني شويه
ولا حبيب يمسح دمعتي
ويحس يوم بهمسة عنيا
لكن الحبيب طبع القساوة
هجرني وسابني بهمي مبليه
كان نفسي ف يوم يضمنى
بقلبه ويطبط عليا بحنيه
أشحت غرامه غصب عنه
وكأن الحب خسارة فيه
الحب لو مجاش بالرضا
يبقي خسارة نعيش الدنيا ديه