🥖 فاكرين العجينة الفورية؟ رجعت من تاني وجاهزة في 7 دقايق!
محتوي المقالة
طريقة عمل المبدعة أ/سالي فؤاد..
“سلطة الكول سلو من الشيف نيللي أحمد: الطريقة المثالية لتحضير ألذ كول سلو!” – للمزيد اتبع الرابط التالي – https://nesral3roba.com/?p=132240
بتدوري على عجينة سريعة، هشة، وتشتغلي بيها كل حاجة؟
أهو جربتي دي؟ العجينة الفورية اللي بتتعمل في 7 دقايق بس، وبتطلع أنعم من القطن!
ينفع تعملي بيها بيتزا، فطاير، عيش شامي، كايزر، حواوشي… وكل اللي نفسك فيه!
المكونات:
- 1 م.ك خميرة فورية ممسوحة
- 1 م.ك سكر ممسوحة
- 1 كوب ماء دافئ
- 1 بيضة بدرجة حرارة الغرفة
- 1 م.ك خل
- 2 م.ك لبن بودرة (أو 1 م.ك زبادي)
- 1 م.ك زيت أو زبدة أو سمنة
- 3 كوب دقيق (أو أكثر حسب الحاجة)
- رشة ملح + فلفل (لو حادق) / فانيليا (لو حلو)
للوش: صفار بيضة + لبن + سمسم أو حبة بركة حسب الرغبة
إزاي تعملي محشي الماسورة اللي هيسخن قلبك؟ جربيه معانا!” – للمزيد اتبع الرابط التالي – https://nesral3roba.com/?p=130364
👩🍳 طريقة التحضير:
- في بولة كبيرة:
اخلطي الخميرة + السكر + الماء الدافئ + ¾ كوب دقيق
قلّبيهم كويس، وغطيهم بكيس نايلون
سيبيهم 7 دقايق لحد ما يختمروا وتنفش العجينة شوية - بعد الـ7 دقايق:
ضيفي البيضة + الخل + اللبن البودرة أو الزبادي + الملح أو الفانيليا + الزيت
قلّبي المكونات كلها مع بعض كويس جدًا - زوّدي الدقيق تدريجيًا، واعجني لحد ما تبقى عجينة طرية ولينة
(اعجني بإيدك لمدة 7 دقايق) - افرديها على سطح مرشوش دقيق، وابدئي شكّليها حسب الرغبة:
فطاير، بيتزا، كايزر، عيش شامي، إلخ… - سيبيها تختمر تاني 7 دقايق (ولو سيبتيها أكتر هتخمر أكتر وتبقى أخف)
- ادهني الوجه بصفار بيض ولبن، ورشي سمسم أو حبة البركة
دخليها فرن سخن على درجة حرارة 200 لحد ما تاخد لون دهبي
💡 نصائح سريعة:
- ينفع تضيفي دقيق أسمر بس لازم تخمّريها وقت أطول
- ممكن تضيفي بذر الكتان أو جنين القمح
- ممكن تفرزيها بعد الخبز في كيس نايلون محكم لمدة شهر
- لو حابة تزودي الكمية؟ ضاعفي المقادير عادي جدًا
- لو فردتيها رفيعة ودخلتيها فرن نار عالية تطلع عيش شامي جامد جدًا!
🍽️ جربيها وهتدعيلي!
لو جربتي الوصفة، ابعتيلي صورتها أو اكتبيلي رأيك،
واستنيني في وصفات تانية سهلة وسريعة على جريدة نسر العروبة 📰✨
