الفاصوليا البيضا باللحمة من أيد الشيف(هالة فهمي)
النهاردة الجمعة وهناكل من ايد ست الكل ست الحبايب اكلة بنشم ريحتها من واحنا على السلم 
فاصوليا بيضا – لحمة مسلوقة
فلفل حامي – لتر عصير طماطم
٢ م ك صلصة
ملح – فلفل اسود
كمون – كزبرة -سكر
سبع بهارات -سمنة
اغسلي الفاصوليا و صفيها وهاتي مايه دافيه فيها كمون حصى وسبيها منقوعه فيها شوية هتسحب كل الغازات اللي فيها
اسلقيها بقى نص سلقة في مايه بتغلي وبعدين صفيها واشطفيها بالمايه
شوحي البصل مع التوم والفلفل في معلقة سمنه وياسلام لو بلدي
وبعدين انزلي بالصلصة و عصير الطماطم و انزلي باللحمة المسلوقة تاخد غلوة مع بعض
حطي بقى الفاصوليا وشوفي قوامها لو عايزة شوربة او مايه زودي ومتنسيش التوابل مع رشة سكر
#ارز_حبة_وحبة
ارز – شوربة اللحمة -مستكة -ملح – زيت -سمنة
شوحي شوية رز في معلقة سمنة وزيت ومعاها مستكة تدي ريحة وطعم للارز من الاخر
اول ماياخد لون انزلي بباقي الارز وبعدين الشوربة او مرقة مع الملح والحبهان البودر حسب اللي عندك وسبيه ياخد سواه
#شوربة_لسان_عصفور_بالخضار
لسان عصفور -بطاطس
بسلة -جزر كرفس –
م ك صلصة -ملح – فلفل
حبهان بودر -شوربة اللحمة
حمري لسان العصفور و انزلي بالمستكة تسييح مع معلقة صلصة صغيره
حطي بقى الخضار مع بعضه وتبلي بالملح والفلفل والحبهان البودر و الشوربة وسبيهم يغلو ويستووا مع بعض وفي الاخر ادى رشة كرفس هتودي الشوربة في حتة تانيه