🎙️ الحلقة الأولى من “المراسل الصغير””عامر مصدوم: هو إحنا في شتاء ولا في صيف؟!” ☀️❄️
“تخيل كده، صحيت الصبح، فتحت الشباك، لقيت الدنيا سقعة جدا … لبست الجاكت الشتوي ولفيت الكوفية حوليه، لما خرجت، لقيت الناس بردانه ، والشوارع مليانة مطر . وفجأة، بعد الضهر، الجو اتغير تمامًا! الشمس طلعت وكأننا في عز الصيف! 😲🔥 الناس بدأت تشيل الجواكت والحرارة تزيد والجو بقا حر جدا … وده بقا طبيعي جدا ؟!”
“عامر، الصحفي الصغير، أول ماجه من المدرسة , كلمني وقال لي، وهو مش مصدق:
“فاطمة العامرية، الجو مالوووو؟! إحنا في شتاء ولا في صيف؟ ده حتى جدي قال لي إنه عمره ما شاف حاجة زي كده!””
🚀 الموضوع ببساطة: “بص يا عمورة، ويا كل الأطفال اللي بيسمعوني… ده مش سحر ولا هرمونا تحكم في الجو! ده بسبب حاجة اسمها التغير المناخي، اللي بيسبب تقلبات جوية غريبة ومفاجئة! يعني إزاي في عز الشتاء، تلاقي الشمس وكأننا في عز صيف؟ كل ده بسبب التغيرات في البيئة حوالينا.”
🌍 القصة: “زمان، كان الشتاء معروف… وكان الصيف معروف. لكن دلوقتي، الأرض بقت زي الفرن! بقى عندنا دخان المصانع، وعوادم السيارات ، والزراعة قلّت. والنتيجة؟! جو متقلب، يوم برد ، ويوم حرّ، 🌞🌧️”
💡 إزاي نساعد؟ ونرجع التوازن ده! الحل في إيدينا، وفي إيد الصحافة كمان!
الحل ياعمورتي
نطفّي الأنوار اللي مش محتاجينها، لأن الطاقة دي بتساهم في المشكلة! 💡
ونزرع يأطفالي جنب كل بيت شجرة ، لأنه بيشيل الغازات الضارة من الجو! 🌳
“بعد ما نغسل إيدينا، بلاش نسيب الحنفية مفتوحة على طول! خلي بالك، التغير المناخي ممكن يقلل من كمية الأمطار اللي بنحتاجها! يعني لازم نحافظ على المياه، عشان الكل يستفيد! 🌧️”
كلنا مع بعض نقدر نغير العالم!
📰 جريدة نسر العروبة بتقولك: “التغير المناخي مش مجرد خبر، ده تحدي بنواجهه كلنا!
❓سؤلنا النهاردة : “بص يا قلب بطة، لو كنت صحفي صغير وطلبوا منك تكتب خبر عن الجو الغريب ده… هتكتب إيه؟”
“أنا فاطمة العامرية، والصحافة مش مجرد أخبار… الصحافة حكايات وأسئلة ومغامرات! استنوني في الحلقة الجاية مع سؤال جديد من طفل جديد، ومتنسوش تتابعوا جريدة نسر العروبة سلام!” 🎙️✨