كتب / صفاء سعيد
بيتك دا مرايتك ولازم يكون ليكى روتين يومى للتنضيف .
اول ما هتصحي من النوم شغلى دوره غسيل ع السريع اول ب اول وبالليل ف الروقان طبقي ورصي في الدولاب اوعي الدنيا تتدربك خليكي يوم ب يوم كده هتلاقي ديما شقتك نضيفه كانك ف العيد.
اهم حاجه خلي قعدتك كلها انت و الاولاد ف اوضه واحده واطفي دائما نور الصاله أو الريسيبشن علشان الولاد ميخرجوش بره حتى التليفزيون حطيه جوه علشان لو حد جالك ع فجاءه يبقي بره نضيف دائما و على رأي المثل اكنس بيتك ورشه متعرفش مين يخشه ممكن تلاقى حماتك أو أى ضيوف طبوا عليكى فجاءه لو بيتك مش نضيف هتبقى فى نص هدومك
لمطبخ دائما ايدك فيه ومواعين العشا تتغسل قبل النوم عشان تصحي موركيش حاجات كتير وكمان علشان الحشرات
الملايات تتغير كل 3 ايام وكمان كل اسبوع نمسح الخشب كويس ونمسح ونفرش واللى تقولي معايا طفل مجنني حميه وشبعيه وغيريله وحطيله كريم حفاضه حتى لو مفيش التهاب مش هينام اقل من ساعه ونص اقل حاجه وهو ده الي احنا محتاجيه مشطي السجاد كل اسبوع ب مياه وخل ب المقشه بس اغسليها كويس الاول هيبقي السجاده مزهزه وكانها لسا مغسوله
حطي كوفرتا ع الملايات وقماشه نضيفه ع المخدات هيبقي الفرش نضيف ولو حطين زيت ولا كريم في شعرنا متتوسخش المخده ولما تشيلي الحته اغسليها هتلاقي المخدات ز ى الفل.
بعيد عن النضافه هقو لك على شويه نصائح مفيده
علمي ابنك من سن 3 سنين ميخدش حاجه من حد خالص عشان عيب
متحميش الاخوات مع بعض كل واحد ل وحده لو البنت او الولد ف التواليت متقللوش روح اعمل مع اختك انت ع البوتي وهي ف التواليت غلط خالص البنت والولد مش متعودين يشوفو حاجه زي دي ديما ممكن لا قدر الله يحصل حاجه نخلي بالنا من خاف سلم ربنا يستر.
متصوتيش ديما ف وشهم حرام نفسيتهم هتتعب وع فكره هتلاقيهم عندهم نسبه غباء وبيضرب اصحابه واخواته عشان حاسس ب ضعف شخصيته من اقرب حد الي هو انتي
كلنا مضغوطين ومفيش حد مرتاح 100% جوزك بخيل خاين شكاك غبي……….ما كامل الا محمد صلي الله عليه وسلم هي دي الدنيا ودول البشر خلي بالك من اولادك دول قره عينك .
امسحي المطبخ الخشب والالوميتال يوميا ب خل ع قماشه نضيفه والرخامه يوميا بعد غسيل الموعين وشوفي الفرق بعد اسبوع هتلاقي الخشب بيلمع كانه لسه مدهون الخل بيشيل الدهون وامن ع الخشب.