كلمات.الشاعر..علاء عامر.
اتقال عليكى نكدية
والنكد موصوف ليكى
طبع فيكى وغية
بتنكدى على راجلك كل ساعة والتانية
والعيشة حلاوتها راحت
ساحت ودابت وضاعت
طفشتى الراجل من بيته
قعدتيه لوحدة ف كافيه
يندب حظه ويومه
بيغنى اغنية ظلموه
بيفتكر يوم ما جوزوه
على المأذون حدفوه
ونسى حقها عليه
ما فكرش غير ايه ايه
كانها انسان ألى
لا بيعطل نهائي
مطلوب ترضى بيومها
لا تتهوه ولا تتفسح
ولا تفك عن نفسها
ف خروجه حلوة تبسطها
مع جوزها حبتين
تعوض الرتابه والروتين
ف الحياة اليومية
المفرومة فيها
لبتشوفها مع عيالها من اكل وغسيل ومذاكرة
وحرقة دم ومناهدة
وكمان لسة راجلها
عايزة تقضى طلباته
ماهى لو قصرت ولا تعبت
ما قدرتش عل عمايلها
يا دقة دقي لها
يتهمها بأنها
وحشة ومقصرة
ونكدية ف بيتها
ومهملة حتى فى نفسها
واتنسى كل حاجة ف لحظتها
تعبها وخدمتها لجوزها واولادها
وللاسف ما حاولناش نساعدها
نحط ايدينا ف ايديها نحاول نساعدها ونفرحها
نخفف عليها شوية
بدل ما نقول ..الست النكدية.
