كتبت / سمر فرج محمد المصري
موضوعنا اليوم عن كيفية تربية الطفل تربية صحيحة.. لماذا لا تجعلي ابنك يشعر بحبك وخوفك عليه
اولا.. الأصل في التربية
الحب والعلاقة الودودة ..
انك ميسر بتساعد طفلك ازاي يفكر صح مش تفكر عنه ..
دورك تعينه ان يتدرب على السلوك الايجابي وازاي يتعلم من خطأه مش تتحداه بيه..
دورك تحفزه مش تكسر نفسه..
تعالوا نشوف الجمل واثرها..
حتفهم لما تكبر ..
تكبر .. كم مرة قولتيله انت كبير لازم تعمل كذا.. ووقت تاني تقوليله انت لسه صغير لماتكبر!!
وبما ان الطفل شايف نفسه كبير فده هيخليه يدور على اللي من خلاله يثبت انه كبير وغالبا حتكون المحظورات..
يبقا هنا الجملة البديلة هي اني ادي المعلومة او الفكرة بما يتوافق مع سن الطفل وبس .
كلامي واضح.
كلامك واضح ليك انما مش واضح ليه لانه مش بيفكر باسلوبك ولا بيفسر بتفسيرك .. لسه بيتعلم منك..
يعني مثلا لما تقول ((غلط)) هي كلمة واضحة جدا ليك انما للطفل لا يعي معناها ابدا والصح انك تعرفه تصحيح الغلط بكده بس هيتعلم ويفهم..
لو ما بطلتش هضربك..
اذلال للطفل وتحمل في طياتها تحفيز للطفل للعناد..
ممكن تدله على البديل او التصحيح اللي ممكن يعمله ..
لو ماذاكرتش هتبقى فاشل..
اخوك ناجح في كل حاجة وانت فاشل..
لازم نعي الفروق الفردية ونراعيها..
وبنكون جواه اعتقاد بانه فاشل كل ما مرت الجملة على مسمعه كل ما رسخت الاعتقاد وبعدها تحاسبه على فشله وعدم قدرته التغلب على فشله..
بص في عيني وانت بتكلمني..
انت تبص في عينه وانت بتكلمه صح جدا لانك بتعلمه اهمية التواصل البصري خلال الحوار وفيها تقدير ليه ولمشاعره.. إنما جملة بص في عيني وانت بتكلمني انت بتقولهاله تحدي ومحاولة منك لاثبات كذبه او سلبية سلوكه فيها اذلال ليه ..
انت الكبير لازم تتصرف صح علشان تبقى قدوة لإخواتك بتسبب عبء وضغط على الطفل وتلاقيه احيانا بيعترض ويقولك مش ذنبي انك جبتيني انا الاول وممكن تؤدي الى رجوع الطفل كحيلة دفاعية من لاواعي الطفل..
انت كسلان وانا في سنك كنت بعمل كذا وكذا..
تشويه لصورته الذاتية ..
عوضا عنها اخبره انه بإمكانه ان يعمل ذلك اخبره ان يحاول وسينجح بالتنفيذ..
لو فضلتي تاكلي هتبقي تخينة وشكلك وحش برضه تشويه للصورة الذاتية وبرمجة لعقلها انها تخينة وشكلها وحش وهتفضل مدى عمرها تفتقد الرضا عن ذاتها يملأها الإحباط ..
يجب استبدال الجملة بكلمات تدعمها لتحفزها ..
كأن نقول لها ماشاء الله عليكي والاكل الصحي مع شوية مشي او رياضة خفيفة كل يوم هيساعدوكي توصلي للياقة ..
هل ادركتم وجع هذه الكلمات؟؟
التربية الصحيحة للطفل
