بقلم/ نشوى الخطيب…
وقالو كلام
وقولنا كلام.
ومين شاهد ع الأيام.
ويااما ملام يدوس
ع القلب يتنهد
واحس الموت
واتشهد
وينزف عمرى
مر ف كاس
حساب مكتوب
وف الكراس.
تعدى سنين
وتحفر من الألم لوحه
داب الورق واندسر
والنقش له علمات
يمكن يضيع الوقت
او نقول اهو فات
نقش الزمان نقشته
والنقشه محفورة.
وكل يوم نرسم
لايامنا كام صورة
تنزف فيها الالوان.
ملمحنا فيها تبان.
عليها بالتزويق
ضحكه بنشفان ريق
ماعدش فيها صديق
غامض اوى ياطريق
مش واضحه
ليه الصورة.
فيها من الوشوش
ألوان مش باينه
غير أسنان
فيها اللى بيبتسم
وفيها طالعله نيبان.
نشوى الخطيب
اللوحه
