د. عزة محمود علي حسن…
إحنا التاريخ إحنا التاريخ
اللي انكتب من غير قلم
قبل القلم ما يتولد
قبل الخطوط
قبل اللسان ما ينطق الكلمة بزمن
قبل البحور ما تمس رمل على الشطوط
إحنا التاريخ
اللي اتخلق قبل الورق
والنقش كان قلب الحجر
يا خطاطين حلف الشجر
علشان تاريخنا لينحرق
يبقى المداد في إيدين ولادنا الطيبين
إحنا التاريخ
ولو تزول كل النقوش
ومين يا مصر شاف اسمك ومايعرفوش
اللي انكتب في صحف
ومحفوظ في السما
بقى ملحمة
مش حرف ولا حبة رتوش