بقلم / سماح دويدار …
عزيزي الأب
عزيزتي الام
احنا متراقبين ايوه في حد بيراقبنا ٢٤ ساعة بس متخافوش الحد ده مش غريب دول ولادنا، ولادنا مركزين معانا اكتر ماحنا مركزين معاهم،
ولادنا مركزين معانا اكتر ماحنا متخيلين بيسجلوا كل اللي احنا بنعمله بدقه رهيبه لدرجة أنهم ساعات بيقولولنا على حاجات بنعملها احنا نفسنا مش واخدين بالنا منها زي مثلا طريقه الأكل والشرب وحركات أو لزمات بنعملها واحنا بنتكلم من غير وعي،
لا بقا بعد الكلام ده مينفعش ميكونش في وعي ده احنا لازم ناخد بالنا كويس أوي من تصرفاتنا نركز لأننا لو بنعمل تصرف غلط او بنقع في ذنب فاحنا هنتحاسب عن نفسنا بس لكن لو ولادنا قلدونا في الذنب ده فكل ما هيعمله هناخد ذنب معاهم والحكايه مش ناقصه،
حد هيقولي لا بقا ده كده الموضوع بقا خنقه اوي هقوله اه طبعا ماهو الموضوع كده الموضوع مش سهل يا جماعة وعمره ماكان سهل احنا بس مكناش واخدين بالنا احنا مش بنرلي عيالنا عيالنا هم اللي بيربونا
ربنا يحفظ أولادنا جميعا
ويهديهم ويصلح حالهم
صباح التربية