اسرع فراخ مشوية مع شوية رز مشاوي بطريقة الشيف هاله فهمي
هتعملي اسرع فراخ مشوية مع شوية رز مشاوي ولا اجدع مطعم 
#الفراخ_المشوية_السريعة
اولا محلول النقع
لتر ميه /٢م ك سكر/م ك ملح/خل/عصير لمون
التتبيلة
فرخه – مياه بصل
ملح – فلفل
بابريكا- بهارات فراخ
زعتر – روزماري بودر
م ص صلصه – زيت
للحشو
بصله مبشوره – ملح – فلفل اسود
زعتر -عصير لمون
حطي الزيت ومايه البصل والبهارات والسكر والملح في بوله مع بعض
تبلي البصل بالملح والفلفل الاسود والزعتر مع عصرة ليمون واحشي بيها الفراخ وحطيها في التتبيله من كل ناحيه
حطي في صينيه مقدار كوبايتين مايه والفرن شغال علي درجة حرارة ٢٠٠
حطي الفراخ المتبله علي شبكه الفرن وتحت الشبكه الصينيه اللي فيها الميه و قلبيها من كل ناحيه تاخد سواها
رز_المشاوي
ارز بسمتي – بصل مفروم -ورق لورا- قرنفل- حبهان – عودين قرفه- ليمون اسود – ٢ مكعب مرقه -ماء ساخن
ملح – زيت
بودره زعفران- لون احمر غذائي
شوحي البصل المفروم مع التوابل الصحيحة
انزلي بشوية ماية سخنه مع مكعبات المرقة وبعدين انزلي بالارز والملح والمايه واول مايتشرب مايته
دوبي اللون الاحمر في شوية مايه واعملي خطين علي الارز من فوق ونفس الكلام مع بودرة الزعفران وسبيه ياخد سواه من غير ماتقلبي واول مايستوي قلبي كله علي بعضه
