بقلم احمد الفضالى
اخبرنى صديق بانه متزوج منذ ٩ شهور
بنت من عائله غنيه جدا
وعامل لزوجته مبلغ 2000ج شهريا
ودا طبعا لمصاريف البيت من اكل وشرب وكده
واهلها بيعطوها 3000ج بتاخدهم تصرفهم ع نفسها وبس
ولما اتكلم معاها عشان يبقوا يد واحده
ويساعدوا بعض لان العمليه معاه مزنقه شويه
رفضت تماما وفضحته فى كل مكان
بين اهله واهلها
قرر ينفصلوا بيقولى لاقى الموضوع
جاي عليه بخساره أكبر
وسبحان الله نفس الشهر ربنا كرمه
وكان له ورث واتوزع وجاله نصيبه
وقرر يتجوز وفعلا تزوج من زوجه تانيه
وبنت ناس محترمه وبيعطى لها نفس ال2000ج
لمصاريف البيت وبيكفوها وبيلاقيها شهريا
شايله ٥٠٠ج ع جنب ومش مقصره ف حاجه
ومحترمه جداااا ومريحاه وشايلاه من ع الارض
المهم
الزوجه الاولى من وقت ما اتجوز
وهي حالها اتعدل وعماله تجيب فلوس من اهلها
وعاوزه تديله وهو بيرفض ياخدها
وبيعاملها بنفس معامله زوجته التانيه فى كل حاجه
وهي كل الي عليها اني لازم أطلق الزوجه التانيه
لدرجه انها عرضت عليه مليون جنيه
مقابل انه يطلق زوجته الثانيه وهو رافض تماما
خصوصا ان الزوجه التانيه حملت
والاولى لسه ومن وقتها وهي هتجنن
فما قولك