أهمية وجود الحديد
الحديد يعني طاقة جسمك يعني الآله اللي بتنقل الأكسچين لأعضائك يعني خلايا الدم الحمراء .. يعني أعصاب حديد ..
نقص الحديد أو زيادته مش في مصلحتك في العموم ..
بس نقصُه يهمني أكتر تاخد بالك منه ..
حسيت بإرهاق وعدم تركيز ، وشك لونه شاحب عشان مفيش هيموجلوبين ، ضربات قلب يا سريعة يا بطيئة ومش منتظمة ، صداع ودوخة ، جلدك فيه جفاف وشعرك بيوقع ، تنميل وبرودة في الأطراف ،، مناعة تحت الأرض ولفحة هوا ترقدك .. أعرف إن عندك نقص حديد ..
طبعاً دة بجانب لو أنت مريض فقر دم ،، أو لو أنتي حامل ،، أو أنت راجل رياضي ،، لو بتغسلوا كلى ،، لو عندك طفل عنده فرط حركة ،، لو عندك بنوتة الدورة الشهرية بتجيلها بغزارة ،، بتاخدوا أدوية بتمنع إمتصاص الحديد ،، أكيد أكيد محتاجينه ..
تقدر تاكل : اللحوم الحمراء / السمك / الفراخ / صفار البيض كـ حديد حيواني ..
أو
فواكة مجففة / سبانخ / بروكلي / باذنجان / بقوليات / حبوب بشكل عام ومعاهم ليمون أو حمضيات كـ حديد نباتي ..
أو
طماطم / فراولة / تفاح / موز / بطيخ / توت / مشروم / حمص كـ أكلات بتمتص حديد ..
وتتجنب تشرب شاي بعد أي أكلة فيها حديد .. بس ممكن تشرب زعتر أو حب رشاد ..
المكملات لو موثوقة تمام بس ماتاخدهاش لو فوق سن ال٥٠ أو بالفعل ماشي على حمية غذائية غنية بالحديد أو عندك مرض إكتناز الحديد ..