بقلم الشاعرة / عبير عبدالسلام
متابعة / سامح الخطيب
يا جارحنى وناسى حبى
وناكر للجميل
طب ليه عشمت قلبى
خليته إليك يميل
لو غاوى تزيد ف بعدك
ما تقولى عشان اساعدك
وا عود قلبى إنه
ينساك ويشوف بديل
يا جارحنى وناسي حبى
وناكر للجميل
هو انت عشان حليوه
هتسوق ف العند يعنى
وكل يومين تلاته
ألاقيك عمال تبيعنى
وحيات عمرى اللى عدى
ل تحافظ ع الموده
وبلاش تلعب بقلبى
دا مفيش ف القلب حيل
يا جارحنى وناسى حبى
وناكر للجميل
.