بقلم شاعرة الصعيد / أحلام حلمى
متابعة / سامح الخطيب
يارب ياكاتب على كل جبين مكتوبه
يارب ياغافر لكل مذنب فى لحظة توبه ذنوبه
يارب يااقرب للقلوب من اى قريب
يارب ياسميع يامجيب
نشفت فى العين الدموع
والقلب اتكسر وموجوع
ماشيين فى سكة توها مالها رجوع
يارب راكعين تحت عرش رحمتك بخضوع
يارب ترد غربت كل غريب
والا تحرم قلب محب من الحبيب
والا توجع قلب ام على وليد
يارب يااقرب لنا من حبل الوريد
يارب لغيرك متحوجناش
والا تحكم فينا فاجر خاف والا اختشاش
يارب ياقوى يامعين
يارب ياناصر كل مظلوم نصر مبين
يارب ياارحم الراحمين
غلابه يارب لرحمتك محتاجين
انصرنا على الظالمين
يارب امين امين